väiku eesti, mitu ilma

kui täämba üüsi ja hummogu lääne- ja põha-eestin tuul hirmasalõ marutasi, sõs võromaal, seo aigu es olnu tuulehõngugi. päält lõunat alles võtse tuule ülõs, a suurt tuult ei olõ joht koskil.

kitsõ ja luminõ hainamaa

lumi tull küll maha, a seo kitsi joht ei sekä. seo aastak om talvehainu veidemb, tule kitsi karamaalõ viia nii kavva kui saa, st kui lumi kitsilõ kõtuni.

kats nädalit

kats nädälit om külmä keväja tõttu kõk ildäs jäänu, ma tii põimukuun haina ja kombaini olõ'õi joht viil põllule põima saanu, kaara pää ommaki viil õnne veidü kõllatsõ.

ütte köüdetu

kuis om kokko köüdet leppä, kitsõ ja savuahi ? pernaasõ esä kinkse pernaasõlõ umakoetu savuaho, tulõ sõs seo värk är puulpääva är pruuvi. a tolle jaos om vaia hääd lepälastu, võtse sae lätsi õkva lepistüsse, laskse hulga ossi ja üte puu kah , sõs tulli vällä, et ossa külen omma lehe ka viil, es viisi neid joht esi ärk kakma naada, kutsõ kitsõ ja sika appi. lepp olõ'õi joht kõge paremb kitsile, a süüma naksi na noid  õkva,kui na omma uma tüü är tennü, sõs tule ossa massinalt läbü laska ning või aho palama panda :)

äri

sai kümnõ aastasõ kitse pidämise man edimäne ääri tettüs, üts kitsetall maha müüdus :) olgu tal sõs vahtsõ pererahva man õks hää elo :)

avantüür

vahepääl sai külärahvaga üts avantüür ette võetus, sulbi liina kohvik tettüs, agraarhipsterite värk :) hää kotus, kos külärahvaga kuun kävvä, ürituisi kõrraldada, näütüses loengusarja, elo päält kapitalismi jne

ruusaunik

üten talon piät õks üts ruusaunik alati tagavaras olõma. kui tii omma like, muatsõ ja nilbõ ning mõni massin jääs sõsse, sõs om õkvalt hää ruusa võtta ja autule tsõõre ala pildu, vai kui ussõ iin om nilbõ jää, sõs om jälki ruus abis. ehituse man lät ka õks ruusa vaia, vai tiimulkõ lappi. nii vaos ruusaunik egä aastaga kõrrast madalambas, uma osa andva ka latsõ, kiälõ müüldüs väega unigu otsan mängi ja ruusa lakja kanda, nii tulõgi ega paari aasta takast vahtnõ ruuskuurma õvve pääle tuvva.

hummogu

hummogutsäi kõrvale
luule,
täämbä kaalepi ain,
hummogusüügi kõrvale
horisont,
peräminõ juubeli nummõr,
lüürika ja füüsika
ütenkuun :)

üks unistus

mul om üts hõlahus, nätä ja kullelda, kuis väiko latskõsõ umavaihel võrokeeli kõnõlõsõ :)

vahtnõ rahvatarkus

egä vihm joht täämba taiva ei jää...