kitsede erinevad soovid

kui viit kitsõ karamaalõ, sõs om õkvalt näta kui erineva omma neo süügieelistuse. näütüses vanaprovva nakas õkvalt võismalilli süümä. tõse a joht ei putu võismalilli, vaid nakasse muud haina haukama. kui usku teooriat, et isu tulõ seo perrä miä vaja om, ja võismalill om massale hää, sõs siist või vällä lukõ, et vanaprovval omma massaprobleemi, a ma pole teda viil viina juuman nännü, nii et ma juht mõistaki midägi seo pääle arvada.

pioneer-rakettpliit osa 2

pioneer-rakettpliit tüütas häste. tõmme om maremb, kui tavalisena ja kuumas lätt kah kipõmbalt, kuna kogo kuum kütt päämiselt liidirauda joht sainu. korsten lätt kah õnne kergelt lämmäs, saa käega kinni hoita, seo tähendas, et kogo lämmi kasutatas pliidi man är.  puudusi om õks kah. toro lätt kipõlt hüdsi ja tuhka täüs ja tor võis veidü pliidiravvale lähembal olla. seo perämine asi om kipõlt lahendatav.

hallivee teekond

täämbä sai sõs nakata tegelema halliviiga. probleem om lahendus ja egäl elemendil võissi olla mitu funktsiooni. inemisele omma jäätme tavalisõlt probleemis, kuis neist valla saia ja är vrdu ja juhtmine mass raha. a näütüses seo sama hall vesi om hää väetis, no süügitaimile ta joht ei sobi a lilli ja küttepuie kasvatamisõs väega hää. sõs saagi proobleemile lahenduse, ütelt puult om vaja hallist viist valla saia tõselt puult jälki võis küttepuu kipõmbalt kasuda.
kaivassi kraavi, tõmassi sõs settekaivust toro puule kraavi jago.

 

tõse puule kraavist täüdse hogo ja põhuga. seo hoit kraavisaina püstü ja imäs halli vii hindässe nigu filtri.pääle panni tagasi mulla ja sõs istuta kraavipervele paju ja lepä. neo kasussõ kipõlt ja puhastasõ vett. nii om ka ütel elemendil mitu funktsiooni.

uba-tomat-salat

täämbä sai sõs ütele piindrale ua är külitus. uba sai ka kasvuhuunõlõ, seo aasta mi tomadit nii pallo joht ei panõ, sõs tule priis jäänu pind muud kraami täüs külbä.

vanan kilekasvuhuunõn vohas esi hinnäst külvänu salat

taim võro turu päält

ja tarto turu päält

egä aasta ole hädän., et tomadi alumise lehe läeva kõllatses är, ütskõk määnest hääd kraami ma mulda panõ. kahtlusti õks määnestki tõbe. ma ole muidu uma tainõ tarto turu päält üte müüja käest tuunu. ka seo aasta lätsiva timä uma kõllatsõs. a seo aasta ostse osa taime võro turu päält ja neo omma õks viil kimmä rohilisõ. kami mis edesi saa, kas om tõesti olnu sõs viga taimi man

pioneer-rakettpliit töötab siiski

iilmine aastaka kiroti pioneer-rakettpliidi  katsetuisist, miä lätsiva õkvalt rappa. pruuvse terve iilmise suve sõs pliiti tavalisena tarvitada. ai õnne kõvaste tossu vällä ja läts aiglaselt kuumas, eriti hummogul, kui pliit oll üüsi maha jahtunu, om ju tõne kimmäs metalljurakas. a täämbä hummogu sai inspiratsiooni ning kai viil netist rakettaho pilte ja videoid ning naksi juba luuma. iilmine aastaka ma panni toro alumisõst tuhalmulgust kuni pliidiravvani, aga seo läts kuumas õnne aigupiten. probleem oll toru pikkusen, põra võtse sõs onne põlve ja panni seo koldele, nii et pikemb toroots ülõs puulõ. fiksiirse põlve är ja valasi toro ja sainu vaihele kergruusa isolatsioonis. sõs ei naka toro pliidisainu kütma, vaid rauda. ja naksi tüülõ, tõmme oll hää ja tossu õnne veidü. kuna lõuna aigu läts ilm jahedas, sõs es saanu vällän viil süügitegemist pruuvi.

tomatid ja kurgid

eelmine nelläpääva sai kasvuhuunõlõ maha pantu edimäse tomati ja kurgi. tomatisordi omma õks eestimaise, malle, valve ja terma. kurgisorti inämp ei mäleta, vast oll agnes. kuna üüsi om üükülma oht, sõs saa ega õdagu ka katteluur pääle pantus.