autokummidest kompostikast poole tunniga

jäätmetehunnik naksi hirmsale haisu aoma. a sääl kos häda kõge suuremb sääl abi õks kõge lähemb, õkvald tulli miilde permakultuuri oppusel kõneldu kompostianum autokummesit. sai sõs asi kipõlt ette võetu, anum sai valmis puule tunniga ja läts masma pää aigu joht midägi. autokummi võissi olla võimalikult suurõ ja ahta serväga. ma sai jäätmejaamast 17 tollitsõ.

tasandi maa, pandse pääle käru tävve ruuse ja tampse seo kinni. pääle kivi ja sõs edimäne kumm pääle. kui panda alla killustik, sõs pole vaja kummi kivve pääle panda, sõs päses õhk esi mano, a kos sa siin lõuna puul seod killustiku võtat.

edimäse kummi ladusi kivve täüs, sõs ei päse mano närilisõ, a õhk käü õks läbü.

pandse sõs viil paar kummi pääle

edimäne kogus tuurainet sõsse. tegelt olõs pidanu veidi ossi alla panda.

kaas pääle ja omgi valmis. järgminõ aasta saa lihtsalt kummi uma vaihel ümbre nõsta, seo piäs sõs nigu segämise iist olõma. kuis muudu tu välla näge toda ma viil ei tiiä, kompost piäs ju säält vällä sadama. tõne küsümus om komposti alus, kuis muudu neo vajaliku ussikõsõ säält ruusa ja kivve vaihelt komposti päseva. kivi vast ei olõ nii tiheda, aga äkki olõs pidanu ruusa alt är jätma. eks näüs, üts asi om teooria, a tõne asi kuis seo tüüle nakas. vähmepalt pias haisust valla saama.

neli aastat kitsedega

põimukuun sai sõs neli aastat, kui mii kitse hindäle tõimi. kats nois must ja vanaprovva om viil miika ja andva kõvaste piima. põra om miil sõs viis kitse. kitsõ omma mii elo tävvelikus ja loomulikus osas saanu. kitsil om pallo anda, piima(juustu, kohopiima ja jogurtit), liha ja sõnnikut. ja hääd tuju kah, kui oleks parasjako sitt om, sõs lähet kaed neid kelme ja tuju õkvalt lät hääs. mii umalt puult sõs pakume vasta hääd süüki ja kuiva külealust.

maapirn

maapirn häitses. ega aasta laiendas uma kasvuala. a seo vastu pole miil joht midägi, tegemist om väega hää kraamiga. maisas häste ja kasus esi, ei pea joht umbhaina egä süüdikuid häotama. mõtsik värk.

kolme päeva vundament

üte kerghuune jaos oll vaja vundamenti ja häste kipõlt. kolmapäeval pandse edimäse kummi, nelläpäeval tõi kumme mano ja eela, riidi sai pääaigu kõk valmis. tehnoloogia sõs sääne, pane kummeile väiku ruusapadja alla, kumm pääle ning kummi sõsse tambi ruusa. ma ole inne säänse alussõ tennü väliküüki pioneer pliidi alla, pidä küll. kaemis sõs kas huunõ all kah.

kartul

kardokas om kimmäs ja käitses. huvitav, kas põhu vai haina sõsen kasus kardokas aiglasõmalt ? mu kogemuse perrä saa varajast kah sügüse.

ua

ua omma seo aasta veidü lahja.

korgpiinran omma ua koge kehvemba, sinna sai pantu puhas kompostmuld, seo a kuius kergele läbü. vast omgi sõs kuiv siin liiga tennü, ega na es tahtnu idaneda kah väega, tuli tõist kõrda üle külbä.

kõge kimmam om uba papi ja kõdu pääl, sääl omma kauna juba valmis. ma polnud noid mitu kuud kaeman käünü, põra avasti et piinar om hirmsale tsiatapu sõsse kasunu.

hugel kultuuri piindras omma neo ua, miä idanema lätsi kimmä, a idanema läts puul õnne. ei tiiä kas kah kuiva peräst.