avantüür

vahepääl sai külärahvaga üts avantüür ette võetus, sulbi liina kohvik tettüs, agraarhipsterite värk :) hää kotus, kos külärahvaga kuun kävvä, ürituisi kõrraldada, näütüses loengusarja, elo päält kapitalismi jne

hummogu

hummogutsäi kõrvale
luule,
täämbä kaalepi ain,
hummogusüügi kõrvale
horisont,
peräminõ juubeli nummõr,
lüürika ja füüsika
ütenkuun :)

üks unistus

mul om üts hõlahus, nätä ja kullelda, kuis väiko latskõsõ umavaihel võrokeeli kõnõlõsõ :)

vahtnõ rahvatarkus

egä vihm joht täämba taiva ei jää...

kümme aastat, või nii...

seo aasta om sõs väiku juubel, või nii, om siin maal elätü 10 aastaka, üts nelländik mu elotiist. aig om lännü peris kipõlt, elotuse ja majapidämise luumine sisustas õks inämbüse ao. kümme aastaka tagasi ei olnud liinast maale koliminõ viil peris muudu lännü, a edimäse pioneeri olliva tegutsema naanu :) mõne juba ka täämbätsõs liina tagasi kolinu. ma või ütelda, et ole nigu maa olõmisega är kohanenu, või sõs ma olegi  uma olemuselt inämp maaineminõ. latsena suviti vanaimä man maan ollen, tundse hinnäst inämp kottal olõvat, kui liinan.
päävaraamatule kirotamine on jäänü kah suutumas harvas, eks aastatsõõri kirä omma paika saanu ning ütest ja samast tegevüsest vast pole mõtet egä aasta kirotada.

hierarhiad

   päälik

nuurliikme

valgus ja vari

must vari ja valgõ vari nagu latsõ noid kutsva

taluülikool

diivanil lotman
tüü man üüülikuul
kemmergun kvant

pere planeerimine

pere planiirmisõ asa läeva plaani perrä, aino ja timä tütär roosa omma suurõ nigu maakerä, egä hetk om uuta peenikest peret. ei tiia, kas piäs kokko kõnelema ka sünnütüs-ja imetamisnõustajaga, olõs vast kimmäm tunnõ, vahtsõao kitsõ omma kah äkki uma olemisõ är unõtanu :)

hommikune meeleolu

hummok and tsihi päävä meelolus.  kann hääd tsaid ja luulõ, seokõrd sõs suumani sassi uma.

joosõ, contra joosõ

suur võromaa separatiste vaimne liidri contra om asunu võro lipuga ümbre suur võromaa juuskma. täämba juuskse ta läbü mii kärgula külä, varakult olliva pühäjõõ sillale kogunenu conatrat tervütama ja umakoetu süüki ja juuki pakma kohaliku aktivisti. :D :D :D

olemine

kirä siia om õks väega harvas jäänü. veski võt pallo aigu õks är ja inämbüs aiategemise omma jäänü pernaasõ tetä. ja kui ma esi kaasa ei lüü, sõs ei mõista joht midägi kirotada kah. põra om väiku puhkus saa raamatit lukõ ja nii sama molutada, et sõs mõne ao pärast jäli veskikivi tüüle panda ja värskit jahu inemeisilõ kätt viia. tuu perast om hää miil kah, et talo juba veidü raha sõsse tuu, om juba tuutmistalo muudu.
a aiandusen omma kah õks vahtsõ plaani seo aasta jaos oleman, eks näis kuis noidega jõud, a tahtminõ noid ello viia om kimmäs.
kitse elassõ kah õks vanamuudu, andva talvõ kotslie häste piima, kuna latsõ kah kasussõ, sõs lät seod õks järjest inämp vaja.

peretütar teeb kokkuvõtte...

tallna-vanaimä om külan, seost ärevusse sattunu perepoig(2) lask müüda tare tsiatraavi ning tormamise pääle nakas ossendama. peretütar(5) võt asa vanaimä jaos kokko, säändse neo maainemese omma.

ökoõlu

löüdse üts päiv tartu maksimarketilt alecoqi ökoolle. ostse paarv tükkü pruuvmise jaos. sai sõs täämbä arv proomitus, päris hää, eski üllatavalt hää kraam. ma luuda, et sod edespidigi tetäs, sõs saa ma viru olle kõrvale tõse hää kesvamärjukõsõ.

luuleline hommik

hommikul

eemaldasin

luulekogudelt

hinnasilte

ei ACTA-le, e ei internetitsensuurile "demkraatlikut" moodi

pilt:http://www.pp-international.net/node/505

joht õnne valgevene, vinnemaa ja hiina unista interneti kontrollimisõst, vaid ka "demokraatlikud" maad, sääl hulgan ka eesti, kelle valitsus ei näe ACTA dokumendis määnestki ohtu. seo dokumendi om loonu eraettevõtte ja ette süütnu valitsuseile. kõkke seod om aetu tassa ja salajan. ütesanaga, kui kogemata tõmbad, või kaed netist midagi miä om sääl ebasääduslikult, sõs võidas su internetiütistus läbi lõiku ja saad viil kriminaalsüüdistuse kah kaala. uma alkirja saad sa seo jama vasta anda: https://petitsioon.ee/ei-acta-le

chacha

ehk gruusia viinamara puskar. talnan sai paari pääva joosul katte erinevat chatchat, üts, seo miä om ka pildil, vabrikun tettü ja tõist miä oll aetu koskil gruusia talun. vabriku uma mekk oll puhas, a uma koetul oll viinamara maitsõ man. mõlemba olliva väega hää, ma ei mõistagi kõnelda kumb om paremb. egäl juhul juudi kõk är, miä välla panti.

mõdupäevik

kuna päiv om koton küõmän, sõs tulõ seod tähüstada. miä om seo kõge parõmb juuk seo illo jaos, õks päeva sõpru lilli päält korjatu nektarist tettü hüa rüübe mõdu. mõdu lät järjest parembas. tervüst päiv !

tere päiv

eela tull sõs päiv kolmõs päävas kodo käümä. tull hillõkõisti, väega tassa, es olnu joht tedä näta. a täämpä tulli vällä, hinne laskse viil lumõ ussõst sõsse. hummen talitsõpulpääva kesküül vasta talitsõpüha lät ta jälki uma tiid, ega päävaga päivä pikembas sikutaden.

ta tuli siiski

et lumi sõs ! hummogu oll maa valgõ ja latse tükseva õkvalt vällaä. säänest asja pole küll hinne nännu, et mii latse tahtva õkvalt välla, kui omma ülõs tulnu.