omavalmistatud kurgurohi

üts päiv naksi kurk valutama, es andnu perrä joht üüsi, egä pääval. kotton oll õnne latsile mõeldu kurgurohi, seo balloonin taruvaigu, küüdselille ja õlliga, pruuvse, es avitanu joht midägi. kuna liina es olnu asja, tull esi midägi kimmäst vällä mõtelda ja sõs sähväti, miilde tull tahtse kunagi esi tetä pihustatava piirituse-taruvaigu kurgurohu. taruvaigumikstuur oll juba ammu valmis, st piirituse pääl är tõmmanu. võtse sõs tühäs saanu haava puhastusvahendi pudeli ja valasi sinna mikstuuri sõsse ja laskse õkvalt kurku, mõosi õkvalt. puudis masva neo rohu õks kistumalda pallo, a esi tetä sõs kõrdi vähemb. päälegi om seo multifunktsionaalnõ, saa pääle kurgu ravi, viil haavu puhastada jne.

haigusevimm ja hiinameditsiin

paar päivä tagasi sai kukru vähe tuult ja külma. eela külmetiva jala ja tulemus olli käen, õdagu andse haigusevimm hinnäst tunda. olemine läts haiglasõs ja kurk naksi kihelema. naksi sõs hinnast tohterdama vanarahva kohaselt kangema kraamiga, haiglasõst olekust sai valla, a kurk valuti kogo üü. hummoku võtse appi hiinameditsiini, süüdassi mokšapulga ja naksi  punkti Sp 20 mõotama, ma eski ei tiiä, kas seod kotust või kuukutada, aviti küll kurguvalu andse õkvalt perrä. pääle toda mõoti viil massaažiga J4, miä om ka kimmas punkt külmetuse vasta. 

hääd eesti asjad: haavasalv

valmistatas põlvamaal, kure vaeste talun. koostis: mesilasvaha, taruvaik, oliivõli, alkohol. ma paluti pää kiiva viiga uma jala är, alul pandse pääle egatsugu keemiat, mõtli et om väega tõsine värk, a es tahtnu joht sukuki paraneda. sõs määrse pääle haavasalvi, midä nuurpernaanõ rasvas kuts ja seoga kõkke uma haavu ravitses, ja hummoko oll tulemus juba näta. põra määri seod ega päiv mitu kõrda pääle ja nahk taastus nii, et mühisõs.

liiga pallo tsukurt

hiina targa kõnelese, et latsõ hinne 3 eloaastat ei tohis joht lisa tsukurt saia, õnne seod, miä tulõ tavalise toiduga. noh veidü õks või. a liigne tsukur takistas latsõ massa loomulikku arengut. massa tüü om toidust tsukurt sünteesi, a tsukurt süvves lät tsukur õkvalt verre ning mass jääs ilma tüüta. päälegi tsukurt, miä organism ei vaja tulõ massal umakorda är häotda. et sõs tulõs latsõ võimalikult kavva kommeist, küpsistõst, saiast jne iimal hoita.

tarvilised teadmised

ma otsustasi sõs veidü hinnäst harida ja lätsi hiina terviseopetust oppima.  väega tarvilike tiidmisi saa säält, kuis vastavalt aastaaole süvva ja määne eluviis valida. kuis ihon väe liigussõ ja määne elund määndse väega seotu om jne.  talvõl õks tege sälg veidü häda  põra om sõs teeda kost sea häda tulõ.

mikstuur

pääle siestat naksi mikstuure tegema, olõ ega aasta õks paar kolm pudelit tennü. hinne vihma sai üte pudeli jago ürtõ pudelasse pantu. upinhain, piparmünt, kaetushain ja meliss ning pääle eesti uma piiritusõst tettü viin. seod tege liiwi heliis, nimmõs estonian votka, pudela pääl om kirotatu, määndse talo rüga om piiritusõ palotamisõs kasutatu. om veidü kallis, a seo iist puhas  kraam, muud tsolki mida eesti viinas nimetatas ei taha joht tarvitada. a seo m ikstuur om hää valuvaigisti ja aja suikma kah. lase vähembalt kuu aigu hainu pääl saista ja sõs vala päält är ja lahjenda viil tuliviiga, muidu tulõ liiga kimmäs.