jogur tõne osa

hummuku võtse külmkapist umakoetu jogurti välla, oll tõne veidü tõistmuudu, kui puudi uma. es olnu nii vetel, oll sääne paks, nigu hapukuur. a maitsa oll kistumalda hää, väega hää, super hää, 
sõs pantse viil mõtsmaasika muusi sõsse ja sõs oll viil väega väega hääääääääää.

jogurt

Sai õkvalt uma edimesõ jogurtiga maha. Es olnuki väega rasse. Oppuse sai www.juured.ee
Kül seo umakoetu värk om õks hää. Tegemisõ illo ja puha.  Algmaterjal piim ja juuretis(maitsestamata jogurt) sai turult Nopri uma tuudu. 
Piim lämmäs 38C ja sõs juuretis sõsse ja 5 tunnis laagerduma, 38c lämma mano. 
Ma kasuti lämmi hotmisõs leso, hää massivnõ ja hoit tükk aigu stabiilsõlt lämmit. 

kitsõ ja lamba

Tulõ õks kitse ja lamba är võtta. Säändene mõtõ tiirles mul juba hulga aigu pään. A pole lauta ja pole aida. Pias sõs keväja muude tüüde mant aigu võtmaja neo asa är tegema. Uma piim, kohupiim ja sõir omma õks kistumalda hää asa. Kes toda tiid määnest jura seo puudi piim sisaldas, seod uma latsile küll ei tahas joht sõsse juuta. Maalamba vill om hää pehmekene ja kimmäs.  Päälegi omma kitsõ ja lamba lihtsalt laheda ürgsõ eläjä. Pernaanõ nakas ka juba nõusse jääma, a õnnõ sõs kui ma esi kitse är nüssä, ta mõtles, et seo võt ta vabaduse är. No, eks ma piä mõne kavaluse vällä mõtlõma, et ta õks kampa tulõs. Äkki pias tallõ kuu ja tähe lubama ?

 Luudus talvõl puhkas. Nii ei viisi mi ka joht midägi väega tetä.