pole hulga aigu inämp siia midägi kirotada jõudnu. veskile lät hulga aigu, a seo om häste kulutatu aig. ole siin lõuna eestin tsõõri sõitnu ja kenu, et egäl puul omma nurmõ juba palja, a mii kandin om õks viil hulga lummõ. lumi sulas tassakõiste ja nii omma ka tii tükk aigu juba mudamülka. luuda, et täämbäne vihm uht perämise lumõ är, sõs saa maa nakata kuioma.
nigu iilmine aastaka, sai ka seo aasta urbekuun lumi kasvuhuunõlõ pillutu. paari nädäli pärast nakka juba põrkinit, redist, salatid, tilli ja spinatit külbma, selles aos omma lumi sulanu ja mulla likes tennü. multšiks olev põhk oll küll kistumalda kuiv, kõhisesi õnne ja muld oll kah all puulenisti är külmanu.
löüdse üts päiv tartu maksimarketilt alecoqi ökoolle. ostse paarv tükkü pruuvmise jaos. sai sõs täämbä arv proomitus, päris hää, eski üllatavalt hää kraam. ma luuda, et sod edespidigi tetäs, sõs saa ma viru olle kõrvale tõse hää kesvamärjukõsõ.
juba mõnda aigu om tüün mii talo vahtnõ veski. miä jahvatas mahe rüäst, nisust, kesväst ja speltast teisterä- ja püülijahve ning press helbit. veski om kiviseski, seo kuumuta jahve är ja jätt kõkk vitamiini ja mineraali alalõ. kiäl huvi om saa mii käest telli, toomi esi võrru, põlvale, viljandile, raplasse, tartule, talnale kohale kah. täpsemb info om taluveski.bca.ee
veski sai ostetus pria leadri avitusega.