puulpääva kella puule ütetõist aigu naksiva talgulisõ kogunema. kõgepäält saabusiva naabri, sõs pernaasõ velle ja tädi ning lõpus vanemba. sai kokko hulga rahvast, vast pa kolmtõist inemeist latsiga üten. haa porukas, et lõbusalt hulga tüüd är tetä. naase naksiva aida riibma, mehe traktorit remontma ja vana savilauta lammutama. vahepääl toimetiva mehe ka aian ning vedäsiva maja ümbert savi hunnikuid iimale. Ehitus kõlblik savi sai eräldi pantu, kõlbmatu läts pinnavormidõ tasandusõs. ilm oll kistumalda illos, nigu suvi. lõunas kiitse pernaanõ lõkke pääl nõgesse ruuga ja pernaasõ esa kütsasi lamba šašlõkki, miä ollimi päev varemb pannu kitsepiima jogurti marinaadi. õdagus oll hulga tüüd är tettü. kuna talgulisõ ei viisinu sanna är uuta, sõs kävemi pernaaseõga õdagu ilda viil kõrda müüda sanna. pärast ma libisti viil mõnuga mõne olle. talgu omma laheda, saa kipõlt hulga tüüd är tetä, toredaid inemeisi näta ja kõkke seod lõbusasti tetä. talgu omma kapitalismi hirm, inemese tulõva kokko, tegeva tüüd, aga skp joht ei nõsegi.
Kommentaare ei ole:
Postita kommentaar