Hääd vahtsõt siis kõgele !
Mu jaos vahetus aasta, õks siis kui päivgi uma aasta täüs tege, ehk 24 talsikuul. 25 talsikuu om juba vahtsõaasta edminõnõ päiv. Eela õdagu naksi lummõ, sadama ja sattõ hää mitu tunni, et maa sai valgõs ning ilm läts ka külmembas. Külla tulliva mus sõper Ruts uma perega, naabri ja mu naesterahva sõbranna. Verivorsti ja tsiaprae jäiva talsipühissõ, pandsemi rõhku hoopis veise- ja lambalihalõ. Naabrimehe ahos tettü lammas oll kistumalda hää ja pernaasõ peedipada veiselihaga oll nagu ikka kiilt alla viiv. Kaime telekat, õgisime ja aime suust plära välla. Kesküül lätsimi välla lõket tegema, sõs tulli ka lellepoig uma naese ja sõpradega mii puule. Vei kitsilõ ka vahtsõaasta süügi ette, nii nigu kommõ ütlõs. Jaurasimõ sõs viil paar hääd tundi pääle südaüüd.
Kommentaare ei ole:
Postita kommentaar