tiit hummuku ütsa aigu silma valla, üritad maailma pilti jälki kokko saia, maailma vahtselt luvva, ringutad, peeriskled ja ajat lenna-leeloga mõne sana juttu. sõs ajat hinnast sängist vällä, mõset hamba, tiit pliidi alla tulõ, et saas naesele kohvivett ja hindalõ tsaivett. Käit kõrra peldikun soolt tühendaman, sõs loet internetin mõne aolehe ja blogi, kõrvale rüübates mõnda hääd maarohutõmmist. vahepääl om naane, ka üska andnud lenna-leelo, kiä üritas kõk üsäku juhtme läbü jürada. pääle tsaid tiit, väiku hummukuvõimlemisõ, sõs süüt kausi tävve kitsepiima jogurtit mustikitega. pääle süüki süüdat ja nüssät kitsõ. sõs om aig visata hinnäst siruli lugõma revolutsionääride elulugusid, saamas teeda mille, na
seo hirmsa jura kõrraldasid. ja omgi lõunasüügi aig, pliidile tuli alla ja tatrikupudru kiima, seo om mu lemmik, mmmm...... sõs leiba luusse ja jälki leso pääle lugõma. kui om illos ilm ja om tuju, sõs lähen ragon vällän küttepuid. ma miilega ei tii seod suvõl, sõs
sa talvõl ka uma kere liigutada ja vällän olla. odagul tule aho kütte panda ja kui ahi om valmis, sõs süük savipotiga ahju. tavalielt om, seo määnegi küügivilja pada, vai lambaliha, vai huupis kala. sõs
jälki raamatit lugõma ja tuttu. päävä sõsse mahus viil raha iist tüü tegeminõ, lenna-leeloga mängminõ ja vahõst kui aigu om ka pernaasõlõ hüa pakminõ. talvõl luudus puhkas, nii minagi
piä madalat profiili.
Kommentaare ei ole:
Postita kommentaar