hiirejaht

süküs om usse iin ja hiire nakassõ tarrõ tükma. üts järjekõrdne isend lask müüda tarõ ringi, situs süügi sõsse ja kusõs nõudele. pernaanõ andsõ kimmä käsu probleem är likvidiiri ja ma tõmmasi õkvalt hiirejahilõ. pandse lõksu juustutüküga ülõs, hummugus oll juust lännü. paari pääva pärast pandse lõksu vahtsõlt üles, a sõs sidusi juustu niidiga kinni. hummugus oll juust lännü. eela õdagu pandse lõksu päästiku vähe nõrgembalt ning sidusi juustu tükü jälki kinni. täämbä hummuku oll lõksun hiire saba. jaht jätkus...